Typosquatting nədir?
İnternetdə istifadəçi imkanları artdıqca, kibertəhdidlər də daha mürəkkəb forma alır. Belə təhlükələrdən biri də Typosquatting (yazılış xətalarından sui-istifadə) taktikasıdır. Bu üsulda kibercinayətkarlar populyar və etibarlı veb-saytların ünvanlarına çox oxşar, lakin bilərəkdən kiçik hərf səhvləri ilə yaradılmış saxta domen adlarından istifadə edirlər.
Typosquatting necə işləyir?
İstifadəçilər "google.com" yerinə səhvən "googgle.com" yazdıqda, cinayətkarların nəzarətində olan saxta veb-sayta yönləndirilirlər. Bu saytlar adətən orijinala bənzədilərək istifadəçinin parollarını, kredit kartı məlumatlarını ələ keçirmək və ya cihaza zərərli proqramlar (malware) yükləmək üçün qurulur.
qorunma yolları
- ✓ URL-i yoxlayın: Veb-ünvanı yazarkən diqqətli olun; tez-tez ziyarət etdiyiniz saytları brauzerinizdə "Bookmark" (Əlfəcin) kimi saxlamaq ən təhlükəsiz üsuldur.
- ✓ Təhlükəsizlik proqramlarından istifadə edin: Etibarlı antivirus və anti-malware proqramları, sizi tanınmış zərərli domenlərdən dərhal xəbərdar edir.
- ✓ Brauzer təhlükəsizliyi: Brauzerinizin təhlükəsizlik parametrlərini aktiv saxlayın və şübhəli saytları bloklayan funksiyalardan istifadə edin.
- ✓ Daimi yenilənmələr: Cihazınızdakı brauzer və proqram təminatlarını yeniləmək, mövcud təhlükəsizlik boşluqlarını bağlayır və sizi daha yaxşı müdafiə edir.
Diqqətli olmaq və rəqəmsal gigiyena qaydalarına riayət etmək, bu növ kiberhücumlara qarşı ən effektiv müdafiədir.
Məlumat təhlükəsizliyinizi qorumaq üçün “CYBERSIGN” şirkətinə müraciət edə bilərsiniz.
CYBERSIGN, şirkətlər üçün kibertəhlükəsizlik maarifləndirmə təlimlərinin təşkili və şirkət təhlükəsizliyinin təmin edilməsi üçün peşəkar xidmətlər təklif edir.