Juice Jacking hücumu nədir?
Juice Jacking hücumu, ictimai yerlərdə quraşdırılmış USB şarj stansiyalarından istifadə edərkən cihazınıza zərərli proqramların yüklənməsi və ya şəxsi məlumatların oğurlanması ilə nəticələnən bir kiber hücum növüdür.
Kiberinayətkarlar bu şarj stansiyalarına zərərli kodlar yerləşdirərək, USB vasitəsilə cihazınıza giriş əldə edirlər. Şarj zamanı USB kabeli həm enerji, həm də məlumat ötürülməsi üçün istifadə olunduğundan, məlumatlar təhlükə altında ola bilər.
Juice Jacking hücumunun təsirləri:
1. Cihazınıza yüklənən zərərli proqram vasitəsilə şəxsi məlumatlarınız, şifrləriniz, kontaktlarınız və məxfi sənədləriniz oğurlana bilər.
2. Zərərli proqram cihazınıza gizlicə yüklənərək, onun normal işləməsinə maneə yarada və ya sonrakı hücumlar üçün istifadə oluna bilər.
3. Kibercinayətkarlar bank hesablarınıza və maliyyə məlumatlarınıza giriş əldə edərək, maliyyə itkilərinə səbəb ola bilərlər.
Juice Jacking hücumundan qorunma yolları:
- İctimai USB şarj portlarından istifadə etməkdən çəkinin, şəxsi şarj adapterlərinizdən istifadə edin.
- USB portuna qoşularkən məlumat ötürülməsini bloklayan xüsusi cihazlardan (USB data blocker) istifadə edin.
- Mobil cihazlarınıza etibarlı antivirus proqramları quraşdırın.
- Şarj mənbələrinin təhlükəsizliyini yoxlayın və yalnız etibarlı mənbələrdən istifadə edin.
- Əməliyyat sisteminizi və tətbiqlərinizi müntəzəm olaraq yeniləyin.
Qeyd olunan tədbirləri tətbiq edərək cihazınızı Juice Jacking hücumlarından qoruya və təhlükəsizliyinizi təmin edə bilərsiniz.
Məlumat təhlükəsizliyinizi qorumaq üçün “CYBERSIGN” şirkətinə müraciət edə bilərsiniz.
CYBERSIGN, şirkətlər üçün Kiber təhlükəsizlik maarifləndirmə təlimlərinin təşkili və şirkət təhlükəsizliyinin təmin edilməsi üçün kiber təhlükəsizlik xidmətlərini təklif edir.