Side-Channel hücumu nədir?
Side-Channel hücumu kibercinayətkarların sistemə birbaşa müdaxilə etmədən və ya onu pozmadan, cihazın işlədiyi zaman ortaya çıxan fiziki göstəriciləri analiz edərək məxfi məlumatlara çıxış əldə etməyə çalışdığı hücum üsuludur. Bu hücum zamanı hədəf proqram zəiflikləri deyil, sistemin normal fəaliyyəti zamanı yaranan əlavə məlumat izləridir.
Bu məlumatlara enerji sərfiyyatındakı dəyişikliklər, əməliyyatların icra müddəti, elektromaqnit dalğaları, istilik səviyyəsi və oxşar ölçülə bilən göstəricilər daxildir. Bu göstəricilər düzgün analiz edildikdə kriptoqrafik açarlar, PIN kodlar və digər məxfi məlumatlar ifşa oluna bilər.
Hücumun işləmə mexanizmi:
Cihaz üzərində aparılan kriptoqrafik əməliyyatlar zamanı enerji və zaman fərqləri müşahidə olunur.
Hücumçu bu fərqləri ölçərək əməliyyatların daxili məntiqi barədə nəticələr çıxarır.
Toplanan məlumatlar əsasında gizli açarların və autentifikasiya dəyərlərinin bərpasına cəhd edilir.
Toplanan məlumatlar əsasında gizli açarların və autentifikasiya dəyərlərinin bərpasına cəhd edilir.
Xüsusilə smart-kartlar, bank kartları, mobil cihazlar və IoT sistemləri bu hücumlara daha həssas olur.
Zərərləri:
Şifrləmə açarlarının ələ keçirilməsi
PIN, şifr və autentifikasiya məlumatlarının açıqlanması
Bank kartları və token əsaslı sistemlərin etibarlılığının azalması
Mobil və IoT infrastrukturlarında məlumat sızmaları
Virtual mühitlərdə izolyasiyanın zəifləməsi və yan keçid riskləri
Qorunma yolları:
- Kriptoqrafik əməliyyatların sabit vaxt prinsipi ilə icrası
- Enerji və elektromaqnit sızmalarını azaldan aparat həllərindən istifadə
- Əməliyyatlara təsadüfi elementlərin əlavə edilməsi
- Təhlükəsiz aparat dizaynı və sertifikatlı avadanlıqların seçilməsi
- Virtual mühitlərdə sərt resurs izolyasiyası
- Davamlı monitorinq və şübhəli davranışların aşkarlanması
Side-Channel hücumları göstərir ki, təhlükəsizlik yalnız proqram səviyyəsində təmin edilə bilməz. Cihazların fiziki davranışları da məlumat sızmasına səbəb ola bilər. Bu səbəbdən effektiv müdafiə üçün aparat, proqram və əməliyyat mühiti ilə yanaşı, əməkdaşların kibermaarifləndirilməsi də vacib rol oynayır. Texniki tədbirlərlə yanaşı, bu cür hücum növləri barədə məlumatlılıq səviyyəsinin artırılması risklərin vaxtında tanınmasına və düzgün reaksiyanın verilməsinə imkan yaradır.
Unutmayın: Sisteminizdə aşkar boşluq olmasa belə, onun işləmə forması zamanı buraxdığı izlər kibercinayətkarlar üçün kifayət edə bilər. Təhlükəsizlik yalnız kod və texnologiya ilə deyil, həm də düzgün bilik və davranış mədəniyyəti ilə təmin olunur.
CYBERSIGN, şirkətlər üçün Kiber təhlükəsizlik maarifləndirmə təlimlərinin təşkili və şirkət təhlükəsizliyinin təmin edilməsi üçün kiber təhlükəsizlik xidmətlərini təklif edir.