reCAPTCHA Hücumu Nədir?
İnternetdə qeydiyyat zamanı, forma doldurarkən və ya giriş edərkən qarşımıza çıxan “Mən robot deyiləm” (I’m not a robot) yazılmış pəncərə çıxır. Bu sistem reCAPTCHA adlanır və əsas məqsədi istifadəçinin insan, yoxsa avtomatlaşdırılmış bot olduğunu müəyyən etməkdir.Lakin kibercinayətkarlar bu sistemi də hədəf alır və müxtəlif yollarla aldadaraq yan keçməyə çalışırlar.
reCAPTCHA hücumu — botları dayandırmaq üçün yaradılmış təhlükəsizlik mexanizminin aldadılması və ya təsirsiz hala salınması məqsədi ilə həyata keçirilən kiberhücumdur. Hücumçular xüsusi texnologiyalardan istifadə edərək sistemi aşır və nəticədə avtomatlaşdırılmış əməliyyatları həyata keçirə bilirlər. Bu əməliyyatlara spam göndərilməsi, saxta qeydiyyatlar, parol sınama (brute-force) hücumları və digər zərərli fəaliyyətlər daxildir.
Hücum necə işləyir?
Kibercinayətkarlar reCAPTCHA sistemini aşmaq üçün bir neçə üsuldan istifadə edirlər:
1. OCR texnologiyası (optik tanıma): Şəkildəki hərfləri və rəqəmləri oxumaq üçün süni intellektdən istifadə olunur.
2. Botnetlər: Minlərlə bot insan davranışını təqlid edərək sistemi aldadır.
3. CAPTCHA farm-lar: Kibercinayətkarlar ucuz qiymətə insanlara CAPTCHA həll etdirmək üçün xidmətlərdən istifadə edirlər.
4. Mouse hərəkətlərinin emulyasiyası: Sistem insan kimi klikləmə və sürüşdürmə hərəkətlərini təqlid edir.
Hücumun Məqsədi:
Spam göndərmək (forumlar, şərh bölmələri, email xidmətləri).
Saxta hesablar yaratmaq (sosial şəbəkələrdə və digər platformalarda).
Brute-force hücumları həyata keçirmək (şifrləri sınamaq üçün).
Botlar vasitəsilə bilet, məhsul və ya resursları ələ keçirmək.
Qorunma yolları:
- Yeni nəsil reCAPTCHA (v3) istifadə edin – bu versiya istifadəçi davranışını analiz edir və daha təhlükəsizdir.
- WAF (Web Application Firewall) tətbiq edin – şübhəli trafik bloklanır.
- Bot idarəetmə həlləri əlavə edin – normal istifadəçilərlə botları ayırd edə bilir.
- Çoxmərhələli autentifikasiya (MFA) tətbiq edin – yalnız CAPTCHA ilə kifayətlənməyin.
- Anomal davranışın monitorinqi – çoxsaylı uğursuz giriş cəhdlərini izləyin.
- Maarifləndirmə aparın – istifadəçilərin şübhəli fəaliyyətləri tanıması üçün məlumatlandırılması vacibdir.
reCAPTCHA sistemi internet təhlükəsizliyində mühüm vasitədir. Ancaq kibercinayətkarların inkişaf edən metodları bu texnologiyanı da hədəfə alır. Buna görə şirkətlər yalnız reCAPTCHA ilə kifayətlənməməli, əlavə qoruma tədbirlərini tətbiq etməlidirlər.
Unutmayın: Ən mükəmməl firewall belə, aldanaraq “Bəli” cavabı verən əməkdaşı qoruya bilməz. Maariflənmək və ehtiyatlı davranmaq ən güclü qorunma üsuludur.
CYBERSIGN, şirkətlər üçün Kiber təhlükəsizlik maarifləndirmə təlimlərinin təşkili və şirkət təhlükəsizliyinin təmin edilməsi üçün kiber təhlükəsizlik xidmətlərini təklif edir.